KHUTBAH JUM'AT BAHASA SUNDA

قُلْ يَا عِبَادِيَ الَّذِيْنَ أَسْرَفُوْا عَلَى أَنْفُسِهِمْ لَا تَقْنَطُوْا مِنْ رَحْمَةِ اللهِ إِنَّ اللهَ يَغْفِرُ الذُّنُ
وْبَ جَمِيْعًا إِنَّهُ هُوَ اْلغَفُوْرُ الرَّحِيْمُ . ( الزُّمَر : 53

“ Ucapkeun: Hei hamba-hamab Kami nu ngaleuwihan wates wangen ka diri diri maranehna, Poma aranjeun ulah putus harepan tina Rahmat Alloh. Saestuna Alloh ngahampura sakabeh dosa, saenyana Mantena Nu Maha Pangampura sareng Maha Heman “. ( QS. Az Zumar : 53 )

Geus jadi sunatulloh, yen manusa baris moal lesot tina gawe salah sarta dosa, da memang kitu nu jadi katangtuanana, hirup di riung ku gogoda jeung dodoja, hawa nafsu teu weleh elekesekeng ngabibita lampah maksiat nu di buleun ku rupa rupa kanikmatan dunya, sarta Alloh kacida maklumna kana ieu kalemahan manusa, da memang maksud Alloh ngadangdadanan manusa ku sifat condong migawe dosa taya lian maksud jeung tujuanana pikeun nembongkeun salah sawios kakawasanana sareng kaheman, sarta kanyaah Mantena, Alloh Zat nu mibanda sifat Gofuururrohiim

وْقُلْ يَا عِبَادِيَ الَّذِيْنَ أَسْرَفُوْا عَلَى أَنْفُسِهِمْ لَا تَقْنَطُوْا مِنْ رَحْمَةِ اللهِ إِنَّ اللهَ يَغْفِرُ الذُّنُ
بَ جَمِيْعًا إِنَّهُ هُوَ اْلغَفُوْرُ الرَّحِيْمُ . ( الزُّمَر : 53

“ Ucapkeun: Hei hamba-hamba Kami nu ngaleuwihan wates wangen ka diri diri maranehna (dina migawe dosa), Poma aranjeun ulah putus harepan tina Rahmat Alloh. Saestuna Alloh ngahampura sakabeh dosa, saenyana Mantena Nu Maha Pangampura sareng Maha Heman “. ( QS. Az Zumar (39) : 53 )

Hadits Qudsiy riwayat Al Imam Bukhari dan lainnya
أَنَا عِنْدَ ظَنِّ عَبْدِيْ بِيْ ...

“Kami (Allah) marengan (nuturkeun) sangkaan Hamba Kami “. Mangsa hiji hamba /manusa aya kereteg dina hatena hayang dipikanyaah ku Alloh, mangka mangsa eta Alloh keur mikanyaah manehna, mangsa hiji hamba keur sono ka Alloh nya pon kitu Alloh keur mikasono eta hamba, malah mangsa aya kereteg sangka goreng ka samodel boga rasa yen Alloh teu adil ka dirina, mangsa eta Alloh mere ka teu adilan ka eta hamba.(shahih Bukhari) lamun hiji hamba boga rasa dina dirina miharep dihampura ku Alloh tina rupa rupa dosana , saestuna doa sareng munajatna baris ditarima ku Alloh sarta dosa dosana baris dihampura. Gusti Nu Maha Kawasa Alloh Azza Wajalla, kalintang endah Sifat Gusti,
Hadirin...
kukituna Allah nengtremkeun jiwa manusa nu teu elat migawe dosa nu peunggas harepan tina Asih sareng Heman Mantena. Firman Allah SWT :
Hei hamba-hamba Kami nu ngaleuwihan wates wangen ka diri diri maranehna (dina migawe dosa), Poma aranjeun ulah putus harepan tina Rahmat Alloh. Saestuna Alloh ngahampura sakabeh dosa, saenyana Mantena Nu Maha Pangampura sareng Maha Heman “.


Hadirin…
Ramadhan nu dasarengan ku pirang pirang kamulyaan pantos lekasan, ngajauhan waktu sesa umur urang, bari jeung urang teu apal naha urang baris pinanggih deui sareng bulan romadon anu mulya taun payun. Mangsa mangsa solat jamah tarowih geus liwat, mangsa nikmatna buka puasa geus liwat, mangsa sumanget tadarus geus liwat, mangsa hudang ti peuting geus liwat, mangsa pahala pahala amal nu di lipat gandakeun oge geus liwat. Mangsa kaagungan peuting Lailatul Qadr sareng nu sanesna oge geus lekasan, Ngan anu tinggal prak prakan dinan mere jiwa poe kahareup ku jiwa jiwa nu aya dina bulan romadon, naha aya tapakna ladang tarbiyah ruhiyah jasadiyah (didikan ruh sareng jasad) anu diamalkeun dina sabadana romadon? Salah sawios conto amal romadon qiyamul lail/tarowih/tahajud, naha masih keneh diamalkeun mangsa rengsena/ sabada romadon, padahal urang geus dididik ku solat tarowih sareng hudang peuting mangsa sahur. Padahal pirang pirang katerangan nguningakeun leberna fadilah kautamaan sholat sunat tahajud/qiyamul lail, ruku’ sujud paduduaan sareng Alloh dina mangsa sepi jempling, raket caket sareng nu ngusik malikkeun diri mangsa rehe combrek, ngagungkeun, sarta muji muji kakawasaan Mantena, Allah SWT ngadawuh dina hadits qudsiy riwayat Al Imam Bukhari dan Muslim, Allah SWT ngagero dina sapertilu peuting panungtung ka(manusa) hamba hamba mantena, sing saha nu menta ampunan ka Kami pasti di hampura, sing saha anu taubat ka Kami pasti ditarima tobatna. “

Hadirin Hadirat yang dimuliakan Allah..
Ladang didikan latihan salami romadon anu salah sawiosna qiyamul lail/tahajud, sing dugi ka aya tapakna, kalintang rugelna mangsa awal peuting, tengah peuting nepi ka janari leutik nu pinuh ku barokah sarta jadi mangsa nu utama pikeun diijabahna doa, ngaliwat kitu wae tanpa dimangfaatkeun ku urang sadayana nu teu weleh migawe maksiat sareng dosa ka Alloh SWT. Naha teu maksakeun diri, minimal tina sawengi 5 menit pikeun nyaketan nu mukprukkan rizki Alloh Robbul Izzati, majar maneh ngaku umat Rosulloh SAW, sarta miharep syafaat mantena dina poe kiamah, tapi geuning jajauheun nuturkeun sunah nu utama nu salawasna dilakonan ku Mantena Rosululloh SAW, nyatatana kabiasaan sholat tahajud. Geus jadi sabiwir hiji, yen sholat tahajud jadi amal nu teu pernah dikantunkeun ku Rosululloh SAW, boh dina mangsa mukim atawa safar, bahkan Rosul kantos sholat witir dina tunggangan kuda mantena, sanajan nuju teu damang teu weleh mantena sholat tahajud/witir, Bahkan Siti Aisyah rha, dugi ka ngeclakkeun cimata mangsa ningali sampean Rosul SAW barareuh alatan lami teuing tatih ngadegkeun sholat tahajud sawengi jeput. Subhanalloh, Insan nu dijaga tina dosa sarta dijamin pangampura ku Alloh SWT tetep isqomah midamel amal. Waler mantena Rosul SAW, yen ieu teh wujud syukur mantena ka Alloh SWT.

Hadirin Hadirat…, diriwayatkan oleh istri Rasul SAW Sayyidatuna Ummu Salamah RA, yen dina hiji wengi Rosul gugah tina kulemna, wangun ngaraos reuwas lajeng ngadawuh :

سُبْحَانَ الله مَاذَا أُنْزِلَ اللَّيْلَةَ مِنَ اْلفِتْنَةِ مَاذَا أُنْزِلَ مِنَ اْلخَزَائِنِ مَنْ يُوْقِظُ صَوَاحِبَ اْلحُجُ
رَاتِ يَارُبَّ كَاسِيَةٍ فِي الدُّنْيَا عَارِيَةٌ فِي اْلآخِرَةِ .

Rasul SAW berkata dengan kagetnya : “Subhanallah, Enya peuting ieu diturunkeun fitnah atawa musibah nu baris terjadi, sarta peuting ieu oge diturunkeun pirang pirang anugerah-anugerah “, didieu Rasul SAW ngucapkeun hiji kalimat fitnah sanes fitan , fitnah hartosna hiji atawa ada musibah yang akan terjadi suatu hari pada diri kita, mungkin.

Hadirin Hadirat yang dimuliakan Allah…
Makna/hartos tina Hadits ini nyaeta, unggal peuting memeh datang fajar dina mangsa eta Allah nangtukeun kejadian-kejadian nu bakal kajadian dina poe isuk, mana musibah nu baris kajadian, mana nu moal, mana musibah nu ditambahan sareng mana musibah nu dikurangann. Urang maklum yen setiap musibah mupus dosa, Allah ningali hamba-hambaNya, si ieu ieu nu jadi musibahna, si eta itu nu jadi musibahna, dina peuting eta oge di tiap sepertilu wengi akhir pirang pirang anugerah yang diturunkan, nu ieu doanya di kabulkan, nu itu hajatna dibere, si eta pamentana ditunda sapoe sabulan satun terus dibere, leuwih gede anugerah yang di turunkeun ku Allah daripada musibah.
Hadirin......
Kalintang ageungna fadilah amal sholat tahajud/witir dina unggal wengina, lamun seug urang tiasa ikhlas ngamalkeunana, katerangan di luhur nembe mung ukur sakedik tina katerangan nu dicutat tina bab kautamaan sholat tahajud/witir dumasar tina hadits – hadits shohihain.
Mudah mudahan sabadana dilatih salami romadon ku ngalaksanakeun solat tarowih nu parantos kalangkung urang tiasa ngadawamkeun, istiqomah ngamalkeun sholat tahajud/witir dina ngeusian waktos sabadana romadon.
Barokallohu walakum



AL ZALZALAH (GUNJLANG GENJLONG)
SURAT KE 99 : 8 ayat

Hadirin......
Rasa jeroning jajantung pagaliwota, antara sedih, ngangres, ketar ketir, sieun jeung nalangsa, mangsa kakawasaan Alloh Azza wa jalla dipintonkeun dina layar kaca berita, banjir laut tsunami di mentawai nu ngaleled ratusan nyawa, 200 san perlaya , sarta 400 san nyawa can aya laratanana, harta banda teu aya nu mangga pulia, jakarta di jarah banjir cileuncang nu mateni urat nadi transportasi, dina wilangan jam jakarta lir kota mati ngawujud leuwi cileuncang dimana mendi, can rengse hate tagiwur, beledug, wedus gembel, haseup nu kaluar tina eusi beuteung gunung merapi di wewengkon jawa tengah, gunung nu pangaktifna sadunya tea, ngaluarkeun haseup panas nu panasna kurang leuwih 600 darajat, manusa rungah ringeuh, tagiwur muru tempat pangungsian neangan kasalametan, nu teu kaburu nyumput, perlaya ... tutung karurub ku lebu panas, sato jeung ingon ingon pirang pirang jadi korban hawa panas, panas alah batan cai ngagolak, langit wewengkon jawa tengah dihalimunan haseup panas, poek lir ibarat poe eta langit saenyana piruntuheun. Idzaa zulzilatil ardhu jiljaalahaa, lamun seug ieu bumi digenjlongkeun sagenjlong genjlongna, wa akhrojatil ardhu ats qoolaha, jeung bumi geus ngabudalkeun eusi beungbeuratna, bencana banjir tsunami jeung gunung merapi nu bitu mangrupa potret leutik tina kajadian dahsyat nu baris datang dina mangsa poe kiamat, gunjlang genjlong alam dunya oyag kabeh, kabeh jalma pangeusi alam dunya lir nu limbung salayang soloyong led kakaler brul kakidul, sawatara laut bedah, gunung bitu, malah lain ukur bitu, tapi ngacleng ngapung ngawang ngawang, boro boro jalma, dalah sato hayawan nu tadina galak silih hakan, poe harita baris anut teu nolih kana silih mangsa silih kerekeb. Hawa panas nu nyirorot tina beungeut mata poe nu ngadeukeutan, panasna teu kaukur ku alat, panas kacida, ngabudalkeun kesang tina masing masing awak manusa. Anak poho ka kolot, kolot teu nolih ka anak, cul jeun teu hayang mirosea, awewe nu kakandungan brul brol arucutan, ngalahirkeun lain dina mangsana, kadituna mangsa papaes langit samawi, kabeh planet nu aya di awang awang diaradu sing jelegur, pluto nabrak jupiter, venus nabrak merkurius, pinasti bulan oge nabrak bumi jeung pangeusina, paburantak saenyana taya nu mangga pulia..., waqoolal insaanu maa lahaa, jeung manusa pada nyarita “kunaon bumi jadi kieu”, hemeng, heran olohok mata simeuteun, ukur ucap manusa “kunaon bumi jadi kieu?” yauma idzin tuhadditsu akh baa rohaa dina poe ieu bumi bakal nyaritakeun beja caritana, beja mangrupa timbalan ti Alloh, pamungkas adegan kahirupan pangeusi alam dunya, bi anna robbaka aw haa lahaa. Yauma idziy yasdurunnaasu asytaatal liyurou a’maalahum, dina poe eta manusa nu geus nganjrek di alam kubur kabeh kalaluar taya nu tinggaleun najan maotna geus rebuan taun, kaluar ti alam kuburna pikeun nempo sagala catetan amal amalna. Kaluar ti alam kuburna dina kaayaan rupa rupa beungeut jeung tangtungan awakna, sakumaha kaayaan hirup di alam dunyana, kabeh manusa ti kawit jaman nabi Adam AS dugi ka rundayan turunanana kiwari, nu jumlahna pasti milyaran, ngaleut ngeungkeuy ngabandaleut, ngalabring ka padang mahsyar pikeun narima catetan amal hirupna sewang sewangan, nangtukeun kulak canggem nasib diri, tempat mana nu baris dianjrekkan salilana, antara sawarga atawa naraka. Moal pahili moal pahiri hiri, najan jumlah manusa milyaran, tetep titis tulis ajali aya dina catetan amal, famay ya’mal mitsqoola dzarrotin khoiroyyaroh, wamayya’mal mitsqoola dzarrotin syarroy yaroh. Najan ukur amal sakeprul boh amal jahat atawa amal soleh tetep aya gurat sarta tulisanana
Hadirin...
Musibah bencana alam ceuk basa manusa, anu tumiba di payuneun urang sadayana, tsunami, banjir, longsor, gunung bitu jrrd, mangrupa tanda tanda, pertanda ti Alloh sangkan urang pertela kana panggeugeuruh ti Alloh, lian ti umur bumi/alam dunya teh geus kolot langitna geus koropos oge ngandung harti, ajaran /didikan Mantena nu Ngawasa Alam dunya, sangkan tetep eling kanu ngusik malikkeun diri, da geuning kakara ku diendagkeun saeutik oge manusa teu mangga pulia. Mudah mudahan urang sadaya tiasa metik pelajaran tina sadaya kajadian bencana alam nu tumiba, atuh ka sadaya baraya nu nuju kamusibahan di wewengkon nu keuna bencana, boh di mentawai, di jawa tengah, dimana wae ayana, muslimin anu janten korban perlaya mugia ditampi amal ibadahna, anu masih keneh dipasihan waktos kumelip di alam pawenangan mugia tiasa shobar sarta metik pelajaran langkung taqorub raket caket sareng Alloh, Amin...
Wallohu a’lam
Baarokalloohu lii walakum