PIDATO PATURAY TINEUNG
TI MURID KA GURUNA
Assalamu’alaikum wr. Wb.
Bapa – bapa miwah ibu – ibu anu ku
simkuring dimulyakeun. Sim kuring atas nami rerencangan ngucapkeun syukur
Alhamdulillah ka Allah nu Maha Heman nu masihan kasempetan ka urang sadayana
tiasa riung mumpulung dina ieu tempat nu kacida sederhanana kalayan teu aya
gangguan naon – naon.
Dina kasempetan ieu sim kuring atas
nami rerencangan sakelas ngahaturkeun nuhun anu teu aya hinggana ka para ibu
miwah para bapa anu parantos ngaping ngajaring ngaraksa – ngariksa sim kuring
sarerea boh dina ahlakna boh dina pendidikanna, dugikeun ka sim kuring sadaya
tiasa ngarengsekeun palajaran dugi ka kenging ijazahna, salami.......taun abdi
sadaya sasarengan sareng ibu miwah bapa guru salami eta aya jalinan hubungan
batin nu nganteng antawis ibu bapa guru
sareng abdi sadaya teu aya bentenna
anggapan abdi sadaya lir ka ibu – bapa pituin.
Sakedap deui abdi sadaya bakal
nagntunkeun ibu miwah bapa guru
kanggo milari elmu sareng pangalamun anu
langkung jembar, margi teu aya hiji kagumbiraan nu langkung ti naon bae oge
salian ti abdi sadaya tiasa ngalaksanakeun naon – naon nu di wejangkeun ku ibu
miwah bapa guru nalika abdi sadaya sasarengan di dieu, namung sanaos paanggang
hate mah angger sumoreang, mugi – mugi wae urang sadaya aya dina Rahmat Allah.
Teu aya deui nu tiasa dikedalkeun
mug abdi sadaya ngadoa ka Allah s.w.t, supados bapa miwah ibu guru dipasihan
berkah kasalemetan , kasehatan, kasejahtreraan taufik sareng hidayah ti Allah.
Atuh samulihna abdi sadaya
nyuhunkeun doa restu ti ibu miwah bapa guru supados abdi sadaya tiasa neraskeun
sakola kanu langkung luhur oge tiasa ngahontal sagala cita – cita.
Atuh salajengna bilih bae aya
cariosan anu ngagenduk kana kalbu nu teu genah kana manah, mugi agung cukup
lumur mugi jembar pangampura ti ibu ti bapa nu saageung – ageungna.
Akhirulkalam wassalamu’alaikum wr.
Wb.
Tidak ada komentar:
Posting Komentar